2005 жылы ҚазҰУ-ға "Саясаттану" мамандығына түстім. Сол кездері өзі халықаралық қатынас, финансист, юрист адамдар крутой еді ғой әлде біз оларды солай көретін бе едік, білмеймін. Әйтеуір дипломат боламын деген арманымның жетегіне еріп осы мамандыққа түстім. Негізі менің сыныптастарымның да, группаластарымның да ешқайсысы менен бизнесмен шығады деп ойламаған шығар. Себебі мектеп кезінде де, универде де үнемі сабақ оқып, мұғалім тапсырма бермесе "апай, үйге қандай тапсырма?" деп сұрап алып орындайтын едім, патроиот болып).
Осылай оқуымның арқасында 2009 жылы "Саясаттану" мамандығы бойынша бакалаврды қызыл дипломға бітіріп шықтым. Ал универ бітірдім, енді не істеймін? Ол кезде көп жастар оқу бітіріп, бірден жұмыс істемейтін. Керісінше оқуын жалғастырып, магистратура оқитын. Себебі сол кезде магистратура дипломын алғандар "звезда" еді ғой. Сөйтіп мен де көптен қалмайын деп Нархоздың "Менеджмент" мамандығына магистратураға түстім. 2 жыл жақсылап оқып, бұл жерде де қызыл диплом алдым.
Қателесспесем, 3 курста оқып жүрген кезде қолыма Ли Якока деген автордық «Карьера менеджера» деген кітабы түседі, сол кезден бастап мен «Саясаттанушы болмаймын», мен менеджер болуым керек деген идея келеді. Осылайша бизнеске деген алғашқы қызығушылығым осы студент кезімде оянды. Сол үшін магистратураны "Саясаттану" мамандығы бойынша емес, "Менеджмент" мамандығын оқыдым.
Өздеріңіз де білетін шығарсыздар, магистратураға түскендердің көбі жұмыс істеп жүреді ғой. Мен де босқа жүре бермей, мамандық бойынша жұмыс істейін деп, мемлекеттік қызметте стажер болып жүрдім. Былайынша достарың, туыстарың сұрағанда "акиматта істеймін" деген күшті естіледі да, бірақ айлығың күн көруге жетпейді. Ол жақта 8 айдай стажировкада жүрдім. Кейін Нұр Отанда да стажер болып 4 ай жұмыс істедім. Соңында екі жерде жұмысқа алмай қойды.
Жаман ғой, иә? Шамамен 1 жылымды босқа жұмсадым. Осыны ойлап, жыным ұстады да, "бәрін нөлден бастаймын" деп бір үлкен компанияға охраник боп жұмысқа кірдім. Осы жерде 3 жылдай жұмыс істеп, охраниктен компания басшысының көмекшісіне дейін көтерілдім.